Who are You… You are Soul(Power)

జ్ఞానంతో తెలుసుకోదగినది. అదే *పరమాత్మ*. పరమాత్మను జ్ఞానం ద్వారా *మాత్రమే* తెలుసుకోగలం, పొందగలంగాని కర్మల ద్వారా సాధ్యం కాదు. అందుకే ‘ *జ్ఞానే నైవతు కైవల్యం* ’ అన్నారు. *కర్మలవల్ల ఎందుకు పొందలేం పరమాత్మను?*
*(i)* కర్మలవల్ల ఉత్పత్తి జరుగుతుంది. ఆత్మ ఉత్పత్తి అయ్యేది కాదు. తయారయ్యేది కాదు. అది ఎప్పుడూ ఉండేది.
*(ii)* కర్మలవల్ల లేని వస్తువును పొందటం జరుగుతుంది. ఆత్మ లేని వస్తువు కాదు. పొందే వస్తువు కాదు. అది నిత్యం. శాశ్వతం.
*(iii)* కర్మలవల్ల సంస్కారం జరుగుతుంది – శుద్ధి జరుగుతుంది. ఆత్మ నిత్య శుద్ధం. ఏ కల్మషాలు లేనిది. కనుక శుద్ధి జరగటం అంటూ లేదు.
*(iv)* కర్మలవల్ల అనేక వికారాలు (మార్పులు) జరుగుతాయి. ఆత్మ ఏ వికారాలు లేనిది. నిర్వికారం. కనుక ఆత్మ కర్మల ద్వారా పొందబడేది కాదు. కేవల జ్ఞానం ద్వారా మాత్రమే ఆత్మానుభూతి సాధ్యం.

గీతాజ్ఞానబోధ పూర్తయిన తర్వాత భగవానుడు అర్జునుని అడిగాడు, “అర్జునా! నీ *మోహం* నశించిందా?” అని. దానికి అర్జునుడన్నాడు “ *నష్టో మోహః స్మృతిర్లబ్ధః త్వత్ ప్రసాదాన్మయాచ్యుత!* ” నీ దయవల్ల అచ్యుతా! నా మోహం నశించింది, స్మృతి కలిగింది – అని.

చీకటిలో ప్రయాణమై పోతున్నావు. నిర్జనప్రదేశం. ఒంటరితనం. భయం. దూరంగా దయ్యం కనిపించింది. భయంవేసింది. అంతలో మెరుపుమెరిసింది. ఒక్కసారి కాంతి వచ్చింది. ఆ వెలుగులో చూచావు. నీ ఎదుటనున్నది, ఇంతవరకు నీవు చూచి భయపడినది దయ్యం కాదు. అది ఒక చెట్టు మొద్దు. దయ్యాన్ని నీవు చెట్టు మొద్దుగా మార్చలేదు. అసలక్కడ ఉన్నది చెట్టే. అయితే చీకటిలో దానిని చూచి దయ్యం అనుకున్నావు. మెరుపు *వెలుగులో నీ భ్రమ తొలిగింది. చెట్టును చెట్టుగా గుర్తించావు. అంతే*.
*అలాగే అజ్ఞానంలో ఈ దేహమే నేను అనుకుంటున్నావు. అది భ్రమ, మోహం. శ్రీకృష్ణుని జ్ఞాన బోధతో అజ్ఞానమనే చీకటి తొలగింది. జ్ఞానమనే వెలుగు ప్రసరించింది. అంతే. ఇప్పటిదాకా దేహమే నేను అనే భ్రమ తొలగింది. ఆత్మను అనే అనుభూతి కలిగింది. స్మృతి కలిగింది. అజ్ఞానం వల్ల స్మృతి తప్పింది – భ్రమ కలిగింది. జ్ఞానంతో భ్రమ తొలగింది. స్మృతి కలిగింది*.

Author: go123

https://webtemplatesmonster.blogspot.in/